Chhor ke turbat ghar mein aa ja, goad mein kar aaraam, oh Asghar
Mere Asghar aagayee shaam
Baano dukiya karti hai noha, khemey main hai kohraam, oh Asghar
Mere Asghar aagayee shaam
Shaam e Gareebaan pehli huwi hai
Masnad e Zainab khaak bani hai
Tujhko dhoonde teri Sakina
Paani ka le kar jaam, oh Asghar
Mere Asghar aagayee shaam
Dil se tujko kese bhulaoon
Aank se aasoon kyun na bahaoon
Jaagte sote mere labhon par
Aye tera naam, oh Asghar
Mere Asghar aagayee shaam
Mat bhoolo ulfat ke qareeney
Ghutniyon chalkar aaow Madine
Khat mein likh kar bheja hai tumko
Sughra ne paighaam, oh Asghar
Mere Asghar aagayee shaam
Karbobala se kufay chaloongi
Shaam ki mushkil bhi jehloongi
Jungle jungle, sehra sehra
Loongi tera naam, oh Asghar
Mere Asghar aagayee shaam
Gehre huwey hain shaam ka lashkar
Tanha hai maidaan main Sarwar
Sara haal batana jaakar
Dadi ko karke salaam, oh Asghar
Mere Asghar aagayee shaam
Ghush mai hai Zainab, Laila hai muztar
Rukhsat hokar jaate hain Sarwar
Lipti huwi hai Sheh se Sakina
Barpa hai kohraam, oh Asghar
Mere Asghar aagayee shaam
Maa ko aakar rukhsat kar do
Aakhon ke saagar ashkon se bhar do
Qaidi bankar Karbobala se
Jaatey hain hum Shaam, oh Asghar
Mere Asghar aagayee shaam
Jal gaye khemey lutgaya jhula
Aha karoon toh parta hai durra
Subha se shab tak, shab se saher tak
Rona hai mera kaam, oh Asghar
Mere Asghar aagayee shaam
Neend ayee hai rotey rotey
Chaunk na parna sotey sotey
Dil ma ka darta hai beta
Jungle ki hai shaam, oh Asghar
Mere Asghar aagayee shaam
Jhulay main machla, goad main nikla
Bijli bankar fowj pe toota
Mere sipahee tu ne bachaya
Nana ka Islam, oh Asghar
Mere Asghar aagayee shaam
Mahir hai Bano ke naale
Goad main meri kyon nahi aatey
Raat ke sannaatey main beta
Kaisai mila aaraam, oh Asghar
Mere Asghar aagayee shaam